« Ceste figure represente toute la rondeur de la terre, laquelle tient la forme d'une fiolle de voire bien ronde, divisee par l'equinoctial en deux parties egalles, et que un axe, ou lingne diametralle, passat diametrallement d'un costé en autre. Les extremités duquel sinifient les deux polles, dont l'un est dict Articque, et l'autre Antarticque. Par laquelle on pourra voir les terres par dedens comme par dehors, ainsy comme ceste presente figure le donne a congnoistre. En laquelle toutes terres sont marquees, avec les principaulx fleuves, et principalles regions, posees chacune soubz leurs propres climactz, tant en longitude que en latitude. »