« Cetse terre est partie de l’Europe, avec une partie de la terre appellee de present la Terre Neufve ; des Anciens la region de Bacaillaux situee soubz la zonne temperee, les commencemens d’icelles soubz le commencement du troisiesme climat dia Alexandrias. En laquelle piece poura on voir combien il y a de distance du pays de France, Espaigne, Engleterre, Ecosse, Irelande, et Flandres, jusques en ladicte region de Bacaillaux : la ou la pesche des mourues ce faict tant de ce pays de France, que des aultres pays. Avec ce pourra l’on voir les runs des vens, et lesquelz sont propres pour naviguer en quelque lieu de toutes ces terres cy devant marqués. Avec ce les lieux pour scavoir combien il y a de distance d’ung port en aultre. »