« Ceste terre est une partie d'Affricque, commencante au Cap de Vert, et finissant au detroit de Jubaltar, avec quelque porction de la terre d'Espaigne, environnee de la grant mer occeanne Atlanticque, situee soubz la zonne temperee, soubz le premier climat dia Meroes, ou partie des fleuves, montaignes, villes, et royaulmes sont decriptes, avec quelques illes situés dans la mer, comme les illes Fortunees, maintenant dictes Les Canaries, et les illes du Cap de Vert, avec les runs des venctz marqués dessus, et les echelles de mesure. Les hommes de ceste terre, c'est a scavoir du costé de midy, sont noirs. Et pour ceste raison sont-ilz appellés negres. Ceste terre nourit grant nombre d'elephans, et de belles monnes jaulnes, tirant sur le gris, ausy nourit-elle sivettes. Les vivres de hommes de ce pays sont legumaiges, avec milcq et quelques sortes de fruictz, avec beufz et chievres. »