« Ceste piece faict demonstraction d'une partie de la terre d'Affricque, du costé d'Ethiopie vers midy, envyronnee du costé d'orient et de midy de la mer occeane, de l’Inde orrientalle, du costé d'occident la grant mer occeane Aethiopicque situee soubz la zonne toride. Le commencement d'icelle soubz le premier climat anti¬dia Meroes, arouzee du fleuve du Nil. Les abitans de ceste contree sont Mores et negres. Les ungs croient en Dieu, et les autres non, scavoir est seux qui abitent prez du royaulme de Melinde, ou abite prestre Jehan, sont ceulx qui croient en Dieu. Ceste region est fretille en grains, comme milcq, ris, et plusieurs sortes de grains. Aussi nourit-elle beufz, chievres, chameaulx, et plusieurs mennieres de bestial. Aussy s'y trouve il grant nombre d'or, et d'epiceries, comme poivre, gingembre, et aultres sortes. Plusieurs tiennent que du costé d'Ethiopie sus Egippte qu'il y a peuples monstreuses comme Blemiens, hommes sans teste, satires sans maisons, cha et la et sans demeure vagabons, cinocephalles, colopedes, ou aultrement vugoilles, noirs et oribles sans teste. Aussy nourit ceste region elephans, tigres, lions, basilictz, crocodilles et plusieurs sortes tant bestes que serpens. »