« Ceste partie est la mesme Terre du Su dicte Australle, laquelle n'a poinct encor esté decouverte pour ce qu'il n'est memoire qu'aulcun l'aict encor cherchee, et pour ce qu'elle n'est marquee que par imaginaction, je ne puis riens decripre des comodités d'icelle, pour raison de quoy je laiseray de plus en parller jusque a ce que plus ample decouverture en aict esté faicte. Et combien que j'aye ecript et notté quelques nomps sus quelques caps, ce n'a esté que pour radreser les pieches icy depeinctes les unes des autres, et ausy affin que ceulx la, lesquelz navigueront, ce donnent garde lors qu'ilz auront oppinion qu'ilz aprocheront ladicte terre. »