« Ceste faict demonstraction d'une partie de la Neufve Espaigne, environnee du costé d'orient de la mer de l'Inde occidentale, de l'Entille, du costé de midy la mer Pasificque, du costé d'occident la mer oceanne, de l'archipel Sainct-Lazare situee soubz la fin de la zonne toride et soubz le commencement de la zonne temperee soubz le premier climat dia Meroes, et finissant a la fin du troisiesme climat dia Alexandrias, ou les Espaignolz sont abitués pour le present. Ayans situees et faictes quelques villes, entre lesquelles est une ville nommee Mechique, laquelle est enclose dens ung lac. Ceste region est fretille en blectz, que l'on y ceult deux foys l'en. Ausy nourit-elle grant nombre de beufz, cerfz, et aultre bestial, fort enrichie de plusieurs sortes d'arbres. Ausy trouve on grant nombre d'or et pierres precieuzes. »